Актуелности

Остави зелена трага

По повод 22.март, Светскиот ден на шумите, учениците од СУГС „Кочо Рацин“ во соработка со ЈП „Македонски шуми“ и Здружението за младински активизам „Обединета младина“ го одбележаа овој ден под мотото „Остави зелена трага“

По повод 22.март, Светскиот ден на шумите, учениците од СУГС „Кочо Рацин“ во соработка со ЈП „Македонски шуми“ и Здружението за младински активизам „Обединета младина“ го одбележаа овој ден под мотото „Остави зелена трага“ и засадија повеќе од 50 садници во училишниот двор, каде главна цел пред се беше да се поткрене свеста кај младите за значењето и вредноста на шумскиот покривач.

Oвој ден, за прв пат беше одбележан 2011 година од страна на Генералното собрание на ООН и за таа цел ширум светот беа спроведени едукативни акции за заштитата на шумите, производство на садници, пошумување на голини и рекреација во шума, а оваа година за прв пат беше одбележан и во нашата земја.

Во дворот на СУГС „Кочо Рацин“ –Скопје учиниците засадија 50-тина садници на аризонски чемпрес, јасен, каталпа, калреутерија, албиција и други видови, прозвадени во расадниците на ЈП Македонски шуми.

Придружете се кон глобалната акција за пошумување и борба против климатските промени - Оставете „зелена трага“ во природата !