Актуелности

Заедно со голем број општествено-одговорни компании и граѓански организации ќе бидат засадени 1.200.000 садници, од најразлични видови, за кои согласност даде Шумарскиот факултет и стручните лица во ЈП Национални шуми.

Оваа есен и наредната пролет ќе бидат посадени дрвни видови јасен, бел бор, јавор, багрем, даб, чемпрес, костен на повеќе од 400 хектари површина низ цела Македонија.

Целокупниот посадочен материјал го обезбедува Јавното претпријатие Национални шуми од расадниците во Свети Николе и Куманово, кои се осовременети и произведуваат садници од контејнерски тип, кои се многу поотпорни на климатските промени од обичните садници.

Акцијата е поддржана од Министерството за земјоделие, шумарство и водостопанство, Министерството за животна средина, како и бројни компании и граѓански организации.

На прес конференција на која беше најавена акциијата учествуваа Министерот за земјоделие Љупчо Николовски, министерката Каја Шукова, деканот на Шумарски факултет Кирил Сотировски, Директорот на ЈП Национални шуми Валентин Груевски, претставник на ДМ и Сојузот на извидници.