Актуелности

На ден 15.03.2023 година од страна на одговорните лица од подружниците и професори од катедрата по заштита од Факултетот за шумарски науки, пејзажна архитектура и екоинженеринг Ханс Ем, извршен е теренски увид на опожарените површини во Подружниците во Пехчево и Делчево, во Шумско стопанските единици кои беа опожарени во големите шумски пожари кои го зафатија ова подрачје во 2021 година. Јавното претпријатие беше задолжено од страна на Владата на РСМ да спроведува акција за чистење на опожарените шумски површини во летниот период, а добиената количина на изгорена дрвна маса, што се добива од процесот на чистење да биде исклучиво во сопственост на Национални шуми. Со извршениот увид на терен, се следи состојбата со присуството на штетни инсекти кои се појавуваат по опожарените стебла во процесот на чистење, а професорите од катедрата по заштита даваат препораки за понатамошно дејствување и справување со настанатата ситуација.