Актуелности

Теоретска и практична обука за гаснење на пожари во Витачево, Кавадарци

На обуката за гаснење на пожари која се одржа на 27.04.2018 година учествуваа претставници од Дирекцијата за заштита и спасување  и вработени во Секторот за заштита на шумите 

Обуката ја презентираа претставници на ДСЗ, а присуствуваа претставници на Секторот за заштита на шумите од дирекција на ЈП Македонски шуми од ПШС Малешево-Берово, Кожув -Гевгелија, Караџица -Скопје, Лопушник Кичево и домаќините од ПШС Бор-Кавадарци. Обуката ја следеше и директорот на ЈПМШ, Зоран Ѓорѓиев и помошникот на Секторот за заштита на шуми, Николчо Киров. Обуката беше оценета како успешна и применлива во случај на пожар, со што беше исполнета целта, а учесниците задоволни од практичните сознанија.Обуката ја извршија вработени во Дирекцијата за заштита и спасување, а во контекст на претстојната сезона на пожари на отворен простор.

Истата се состоеше во запознавање со пумпите за вода со капацитет од 300l, вградени на 4 возила тип Great Woll, кои Дирекцијата ги отстапи на користење на ЈП "Македонски шуми".
На оваа теоретска обука и следеше практична демонстрација на употреба на опремата при гасење пожар на отворен простор. 
Вработените во ЈП Македонски шуми,се едни од првите кои на терен се справуваат со оваа појава, за време на обуката покажаа висок степен на професионализам.
Обуките кои ги спроведува Дирекцијата за заштита и спасување се дел од превентивните активности, врз база на кои понатаму се градат процедурите за оперативно дејствување.