Поради високите температури во овој период во годината  зголемена е опасноста од  појава на шумски пожари. Шумските пожари најчесто се предизвикани од невнимателни посетители на шумите (собирачи на лековити растенија, излетници и друго). ЈП „Македонски шуми“ апелира до сите граѓани дека е строго забрането: палење на оган, правење скари, фрлање догорчиња и секаков запалив отпадок и материјали на отворен простор.
Врз основа на член 57 од Законот за шумите (Сл.весник на РМ бр.64/09), а во врска со дадената Согласност за Забрана за движење во шума или во одделни нејзини делови, издадена од Министерот за земјоделство, шумарство и водостопанство број 09-9522/2 од 27.07.2009 година, Директорот на ЈП „Македонски шуми“-п.о-Скопје, согласно член 34 од Статутот на Јавното претпријатие ЈП „Македонски шуми“-п.о.-Скопје, на ден 31.07.2009 година,  издаде НАРЕДБА за  строга примена на Забрана за движење во шума или во одделни нејзини делови, за периодот од 01.08.2009 година до траење на опасноста.

Јавното претпријатие за стопанисување со шуми во државна сопственост „Македонски шуми“,  врз основа на чл.57 од Законот за шуми (Сл.весник на РМ. бр.64/09), и дадената Согласност бр.09-9522/2 од 27.07.2009г. од страна на Министерот за земјоделство, шумарство и водостопанство, и согласно Наредбата од директорот на ЈП „Македонски шуми“-п.о.-Скопје бр.02-1312/1 од 31.07.2009.година издава Одобрение за ограничено и контролирано движење во шума.

Одобрението за ограничено и контролирано движење во шума го издаваат Подружниците на  ЈП „Македонски шуми“, врз основа на Барање за движење во шума, поднесено од заинтересираните физички и правни лица.

                                                            ЈП "Македонски шуми"-Скопје